المساعد الشخصي الرقمي

مشاهدة النسخة كاملة : قصيده لاتفوتكم


تروكي
07-26-2008, 08:06 PM
:200:
يا بحر بسألك ليش أمواجك الليلة تعاني
ـــــــــــــــ أنت مثلي يا بحر قبل أمس فاقد لك حبيبه؟

انت متضايق عشانك ولا متضايق عشاني
ـــــــــــــــ اسألك بالله قلي يا بحر ايش المصيبة ؟

ولا اقول أسكت وأنا بحكي عن اللي لك خذاني
ـــــــــــــــ ببتدي معك الكلام وكل ما عندي بجيبه

تذكر اللي لا لفتتني بشر القلب المعاني
ـــــــــــــــ تذكر اللي كلها حب وغرام ونهر طيبة

تذكر اللي صوتها تشتاق له حتى المواني
ـــــــــــــــ كل ميناء يسأل الثاني إذا طوّل مغيبه

تذكر اللي في كفوفي تشعل الدنيا اماني
ـــــــــــــــ تذكر اللي نورها سود الليالي تقتدي به

تذكر اللي سلهمتها تقلب الساعة ثواني
ـــــــــــــــ تذكر اللي عطرها حتى طيورك تحتفي به

تذكر اللي علمتني كيف اروّض هالمعاني
ـــــــــــــــ كل ما مرت عليّه رحت للشعر انتخي به

تذكر اللي كل صبح تمرني باحلى تهاني
ـــــــــــــــ صار كل العمر عيد وصارت اقرب من قريبة

قبل يومين اتركتني!!

قبل يومين اتركتني!!

قبل يومين اتركتني

قبل يومين اتركتني ورحلت مع شخص ثاني
ـــــــــــــــ شخص ما كانت تحبه بس ما ادري وش تبي به ؟

أدري اني من سببها كاسرٍ خاطر زماني
ـــــــــــــــ وادري اني اول انسان إنكسر خاطر نصيبه

وأدري أن ربي اخذ مني مثل ما هو عطاني
ـــــــــــــــ وادري ان الغالية راحت رضى ماهي غصيبة

بس اقول الله كريم وعمر كل الناس فاني
ـــــــــــــــ والمكان اللي خلا من زولها وش ينبغي به

مدخلك بالله قلي حط نفسك في مكاني
ـــــــــــــــ وش تسوي يا بحر لا صرت فاقد لك حبيبه؟؟
__________________

طلبه لا تحرموني من ردودكم..

بنت فله وتلعب سله
07-27-2008, 01:25 AM
اخوي /عشاق الجمال ترووكي


يسلموووووو على الكلمات الرائعه


تقبل مروووري




ولاتحرمنا من جديدك




تحياتي

تروكي
07-27-2008, 07:28 PM
الله يسلمك بنت فله بس حلوه عشاق هههههههههههههههههههههههههههههههههههههه اخبر نكي عاشق مو عشاق يمال العافيه خخخخخخخخخخخخخخخ تسلمين على المرور بنت






http://up5.m5zn.com/photos/00169/puftvnvwagwu.jpg (http://up5.m5zn.com/photos/00169/puftvnvwagwu.jpg) بنت فله تعلب سله

@الهنوف@
11-21-2008, 11:09 PM
يسلموووووو ترروووكـــــي عن جد روووووعه

صح لسانك..

فلسفة الورد
11-22-2008, 12:07 AM
بس اقول الله كريم وعمر كل الناس فاني
ـــــــــــــــ والمكان اللي خلا من زولها وش ينبغي به

مدخلك بالله قلي حط نفسك في مكاني
ـــــــــــــــ وش تسوي يا بحر لا صرت فاقد لك حبيبه؟؟




تروكي
يعطيك الف عافيه على هذه الكلمات المليئه بحزن والم الفراق
مليئه من جفا من تحب
تقبل مرورؤ خيتك ام مهند